شنۆ؛ ڕەشید فەقیزادە بە دانانی بارمتە ئازاد کرا

ڕۆژی یەکشەممە ٢٨ی بانەمەڕی ١٤٠٤، هاووڵاتیێکی کورد بە ناوی "ڕەشید فەقیزادە" خەڵکی شنۆ بە دانانی بارمتەی یەک میلیارد تمەنی و بە شێوەی کاتی لە بەندیخانەی ئەم شارە ئازاد کرا.

سەرلەبەیانیی ڕۆژی چوارشەممە ١٧ی بانەمەڕی ١٤٠٤، هێزە ئەمنییەکان بەبێ بەڵگەی یاسایی هێرشیان کردە سەر ماڵی ئەم هاووڵاتییە و دەسبەسەریان کرد.

ئەم هاووڵاتییە پاش کۆتایی قۆناغەکانی لێپرسینەوە ڕەوانەی بەندیخانەی شنۆ کراو لە ماوەی دەسبەسەرکرانیدا لە دەسپێگەیشتن بە پارێزەر بێبەری بووە.

تا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتگەلێ کە خراوەتە پاڵی ئەم هاووڵاتییە کوردە زانیارییەک دەست نەکەوتووە.