مەهاباد؛ سێ هاووڵاتیی بە دانانی بارمتە لە بەندیخانەی مەهاباد ئازاد کران

ڕۆژی پێنجشەممە ٢١ی خاکەلێوەی ١٤٠٤، "عوسمان(شوانە) جەهانی فەر"، "یووسف قاڵ" و "ڕەحمان دانا" سێ هاووڵاتیی کورد خەڵکی مەهاباد بە دانانی بارمتە و بە شێوەی کاتی لە بەندیخانەی ئەم شارە ئازاد کران.

بەپێی زانیارییەکانی کۆمەڵەی مافی مرۆڤی کوردستان-ژنێڤ, هێزە ئەمنییەکان لە ماوەی ڕۆژانی ٢٤ و ٢٥ی سەرماوەزی ١٤٠٣ هێرشیان بردووە بۆ ماڵی ئەم سێ کەسە و بە بێ بەڵگەی یاسایی وێڕای پشکنینی ماڵەکەیان دەسبەسەریان کردووە و بە مەبەستی لێپرسینەوە گواسترایانەوە بۆ یەکێک لە گرتنگە ئەمنییەکانی ورمێ.

بەوتەی سەرچاوەیێکی ئاگادار, ئەم سێ هاووڵاتییە پاش کۆتایی قۆناغەکانی لێپرسینەوە ڕەوانەی بەندیخانەی مەهاباد کرابوون.

تا ئێستا سەبارەت بە هۆکاری دەسبەسەرکران و تۆمەتەکان دژی ئەم سێ هاووڵاتییە زانیاریێکی ورد لەبەر دەستدا نییە.