دوو کۆڵبەر بە تەقەی هێزە نیزامییەکانی حکوومەت لە سنووری بانە بریندار بوون

شەوی یەکشەممە ٧ی بانەمەڕی ١٤٠٤، دوو کۆڵبەری کورد بە ناوەکانی "ئاکۆ شەریفی" تەمەن ٢٢ ساڵ و "شوانە عەلیپوور" تەمەن ٢٥ ساڵ و خەڵکی بانە، بە تەقەی هێزە نیزامییەکانی حکوومەت لە سنووری "هەنگەژاڵ"ی ئەم شارە بریندار بوون.

بە وتەی سەرچاوەیەکی ئاگادار، هێزە نیزامییەکانی حکوومەت بە بێ ئاگادارکردنەوە و هۆشداریدانی پێشوو تەقەیان لەم دوو کۆڵبەرە کردووە.

ئەم دوو کۆڵبەرە بە مەبەستی وەرگرتنی چارەسەری پزیشکی بۆ ناوەندە دەرمانییەکان ڕاگوێزراون.