بۆکان؛ دەسبەسەرکرانی ئێحسان حەمزەزادە لەلایەن هێزە ئەمنییەکانەوە

ڕۆژی یەکشەممە ٣١ی خاکەلێوەی ١٤٠٤، مێرمنداڵیکی کورد بە ناوی "ئێحسان حەمزەزادە" خەڵکی بۆکان لەلایەن هێزە ئەمنییەکانەوە دەسبەسەر کرا و پاش کۆتایی قۆناغەکانی لێپرسینەوە ڕەوانەی ناوەندی چاکسازی و پەروەردەی ورمێ کرا.

بە وتەی سەرچاوەیەکی ئاگادار، هێزە ئەەمنییەکان بەبێ بەڵگەی یاسایی ئەم مێرمنداڵە تەمەن ١٧ ساڵەیان دەسبەسەر کردووە.

ئێحسان حەمزەزادە خەڵکی گوندی "قاڵوێ" و دانیشتووی "میراوا"ی بۆکان و قوتابیی پۆلی دووهەمی دواناوەندیی قوتابخانەی مێعراجە.

تا کاتی بڵاوبوونەوەی ئەم هەواڵە، زانیاریێک سەبارەت بە هۆکاری دەسبەسەرکران و تۆمەتەکان دژی ئەم مێرمنداڵە دەست نەکەوتووە.