KMMK-G Oral Statement to 18th HRC session/Paralel session: “ Iran: Landmines and the Righ to Life”

(کوردی) کونفرانسی””مینی دژەنەفەر و مافی ژیان لە ئێران و رۆژهەڵاتی ناوەڕاست دا” له‌ ڕێکخراوی نه‌ته‌وه‌یه‌کگرتووه‌کان

کونفرانسی””مینی دژەنەفەر و مافی ژیان لە ئێران و رۆژهەڵاتی ناوەڕاست دا” له‌ ڕێکخراوی نه‌ته‌وه‌یه‌کگرتووه‌کان

 

کۆمەڵەی مافی مرۆڤی کوردستانی ئێران- ژنێڤ، هاوکات لە گەڵ ١٨ هه‌مین خولی کۆبوونەوەکانی رێکخراوی مافی مرۆڤی نەتەوەیەکگرتووەکان لە ژنێڤ، لە رێکەوتی ٢١/٩/٢٠١١ی زایینی کونفرانسێکی لە ژێر ناوی “مینی دژەنەفەر و مافی ژیان لە ئێران و رۆژهەڵاتی ناوەڕاست دا” بە هاوکاری چەندین رێکخراوی نێونەتەوەیی بەڕێوەبرد.

 شایانی باسە کە ئەمە یەکەمین جارە لە سەر پێشنیار و دەستپێشخەری کۆمەڵەی مافی مرۆڤی کوردستانی ئێران-ژنێڤ کونفرانسی لەم چەشنە لە سەر مینی دژه‌نه‌فه‌ر و پاشماوه‌ی ته‌قه‌مه‌نی شه‌ڕ لە کوردستاندا لە بنکەی رێکخراوی نەتەوەیەکگرتووەکاندا بگیرێ.

ئەم کونفرانسە بە هاوکاری و به‌شداری کارای  ئەم ڕێکخراوانه‌ی خوارەوە بەڕێوە دەچێ:

1- کەمپەینی نێونەتەوەیی دژی مین کە ، لەساڵی ١٩٩٧ی زایینیدا، خەڵاتی ئاشتی نوبێڵیان وەرگرتووە.

2- ژنێڤا کاڵ

3- رێکخراوی وەکیلانی نێونەتەوەیی مافی مرۆڤ

4- رێکخراوی پەرەپێدانی پەروەردە و فێرکردن

5- کونگرەی فیدراڵی نەتەوەکانی ئێران.

کونفرانسه‌که‌، سه‌ره‌تا بو وتارێکی خاتوو کارن پارکر سه‌رۆکی ڕێکخراوی پارێزه‌رانی مافی مرۆڤ ده‌ستی پێکرد و سیاسه‌تی کۆماری ئیسلامی له‌ چاندنی مین له‌ کوردستاندا وه‌ک ژنۆسایدی گه‌لی کورد ناودێڕکرد.

پاشان، به‌ڕێز ته‌یموور ئه‌لیاسی نوێنه‌ری دایمی کۆمه‌ڵه‌ی مافی مرۆڤی کوردستانی ئێران ـ ژنێڤ بابه‌تێکی گرنگی له‌ سه‌ر پرسی مین له‌ کوردستان و ئێران پێشکه‌شکرد. نوێنه‌ری کۆمه‌ڵه‌ی مافی مرۆڤی کوردستان باسی ئه‌وه‌ی کرد که‌ کۆماری ئیسلامی زیاتر له‌ 16 میلیۆن مینی دژه‌نه‌فه‌ری چاندووه‌ له‌ کوردستان و زیاتر له‌ چوار میلیۆن هکتار زه‌وی مین ڕێژ کردووه‌ که‌ بووه‌ته‌‌ مایه‌ی قوربانی هه‌زاران که‌س و هۆی دواکه‌وتنی ئابووری کوردستان و  خه‌ساره‌ت له‌ ژینگه‌.

له‌ درێژه‌ی کونفرانسه‌که‌دا، به‌ڕێز کاک عه‌لی ده‌ستنه‌زه‌ر وه‌ک یه‌کێک له‌ قوربانیانی مین و پاشماوه‌ی ته‌قه‌مه‌نی شه‌ڕ به‌ سه‌رهاتی خۆی بۆ به‌شدارانی کونفرانسه‌که‌ باس کرد و سرنجی کۆی به‌شداربووانی بۆ لای خۆی ڕاکێشا.

دواتر، به‌ڕێز ئارمین کۆهلی نوێنه‌ری ڕێکخراوی ژنیڤا کاڵ وتارێکی گشتی له‌ سه‌ر گرفتی مین له‌ دونیا و ئێران و کوردستان و پێشکه‌شکرد و کۆنڤانسیۆنه‌ نێونه‌ته‌وه‌یه‌کانی له ‌سه‌ر مین بۆ به‌شدارانی کونفرانسه‌که‌ ڕۆۆنکرده‌وه‌. ناوبراو له‌ قسه‌کانی دا باسی پابه‌ندنه‌بوونی کۆماری ئیسلامی ئێرانی کرد به‌ کۆنڤانسیۆنی دژی مین ناسراو به‌ کۆنڤانسیۆنی ئوتاوا  که‌ به‌ کار بردن و به‌رهه‌م هێنانی مین قه‌ده‌غه‌ ده‌کات. به‌ڕێز كۆهلی، له‌ درێژه‌ی قسه‌کانی دا،  ئیشاره‌ی به‌وه‌ کرد که به‌ پێچه‌وانه‌ی کۆماری ئیسلامی ئێران، ‌ کۆی هێزه‌ سیاسییه‌ چه‌کداری یه‌کانی کوردستانی ئێران په‌یماننامه‌ی دژه‌ مینی ژنیڤا كاڵ ـ یان ئیمزاکردووه‌ و پابه‌ندن به په‌یماننامه‌که‌‌.

له‌ ته‌وه‌ری دووه‌می کونفرانسه‌که‌ که‌ ته‌رخان کرابوو بۆ پرسیار و وڵام. به‌شداران له‌ به‌ر هه‌ستیار و تازه‌یی بابه‌ته‌که‌ زۆر‌ به‌ گه‌رمی پێشوازیان له‌ کونفرانسه‌که‌ کرد و گه‌لێ پرسیار و تێبینی گرنگیان خسته‌ڕوو بۆ پانالیسته‌کان. به‌ڕوهه‌به‌رانی کونفرانسه‌که‌ به‌ تێر و ته‌سه‌لی وڵامی پرسیاری به‌شدارانیان دایه‌وه‌.

له‌ په‌راوێزی کونفرانسه‌که‌دا، چه‌ندین هه‌واڵنێری تلویزیۆنی ئێرانی و بیانی وتوو و ێژیان  له‌ گه‌ڵ به‌ڕێزان ڕه‌حیم محه‌ممه‌دی و ته‌یموور ئه‌لیاسی پێکهێنا.

شایانی باسه‌، کۆمه‌ڵه‌ی ما‌فی مرۆڤی کوردستان نووسراوه‌یه‌کی فه‌رمی له‌ پێوه‌ندی له‌ گه‌ڵ مینی دژه‌ نه‌فه‌ر له‌ کوردستان پێشکه‌ش به‌ 18 هه‌مین  کۆبوونه‌وه‌ی ئه‌نجومه‌نی مافی مرۆڤی ڕێکخراوی نه‌ته‌وه‌یه‌کگرتووه‌کان کرد که‌ ئه‌مه‌ی خواره‌وه‌ لینکه‌که‌یه‌تی:

http://daccess-dds-ny.un.org/doc/UNDOC/GEN/G11/157/28/PDF/G1115728.pdf?OpenElement

ئامانجی “کۆمەڵەی مافی مرۆڤی کوردستانی ئێران- ژنێڤ”یش لە پێکهێنانی کۆڕ و کۆبوونەوەی لەو چەشنە لە رادەی نێونەتەوەییدا، راکێشانی سەرنجی ئەنجومەنی مافی مرۆڤی رێکخراوی نەتەوەیەکگرتووەکان و، کۆڕ و کۆمەڵە نێونەتەوەییەکانە، بۆلای هەڕەشەی رۆژانەی مینی دژە نەفەر لە گیانی دانیشتیوانی مەدەنی، لە کوردستان و ناوچەکانی دیکەی ئێران و، هەروەها رۆژهەڵاتی ناوەڕاست، کە رۆژانە قوربانیان لێدەستێنێ.

کۆمەڵەی مافی مرۆڤی کوردستانی ئێران- ژنێڤ

 

 

 

 

 

 

 

 

 

 

(کوردی) به‌ڕێوه‌چوو نی کۆنفرانسێک له‌ ژێر ناوی “چۆن پرسی کورد به‌رینه‌ پارله‌مانی سویس”

به‌ڕێوه‌چوو نی کۆنفرانسێک له‌ ژێر ناوی “چۆن پرسی کورد به‌رینه‌ پارله‌مانی سویس” 

23-06-1390له‌ شاری “ژنێڤ” به‌ ده‌ست پێشخه‌ریی کۆمه‌ڵه‌ی مافی مرۆڤی کوردستان ــ ژنێڤ کۆنفرانسێک له‌ ژێر ناوی “چۆن پرسی کورد به‌رینه‌ پارله‌مانی سویس” بۆ “کارلۆ سۆمارۆگا” به‌رپرسی گرووپی پارله‌مانتارانی سویسیی لایه‌نگری کورد، رێکخرا

رێکه‌وتی 19ی خه‌رمانانی 1390ی هه‌تاوی، له‌ هۆلی کۆنفرانسه‌کانی شاری ژنێڤ کۆنفرانسێک بۆ “کارلۆ سۆمارۆگا” به‌رپرسی گرووپی پارله‌مانتارانی سویسیی لایه‌نگری کورد و پاڵێوراوی داهاتووی حیزبی سوسیالیستی سویس بۆ وه‌زیری ده‌ره‌وه‌ی وڵاتی سویس رێکخرا.‌ ناوبراو باسێکی له‌ سه‌ر رۆڵی دیاسپۆرای کورد له‌ به‌ره‌و پێش بردنی پرسی کورد له‌ وڵاتی سویس و ئاوه‌دان کردنه‌وه‌ی کوردستان و پێشڤه‌چوونی کۆمه‌ڵگای کوردی، پێشکه‌ش کرد.
ناوبراو به‌ ئه‌ندامبوونی لاوانی کورد له‌ نێو پارته‌ سیاسییه‌کانی وڵاتی سویس به‌ پێویست زانی و به‌شداری کردنی لاوانی کورد له‌ سیاسه‌تی سویس وه‌ک وه‌رچه‌رخانێکی پێویست ناودێر کرد.
به‌شی دووهه‌می کۆنفرانس بۆ پرسیار و وڵام ته‌رخان کرابوو که تێیدا ‌ به‌شدارانی کۆنفرانسه‌که ‌چه‌ندین پرسیاریان ئاراسته‌ی “سۆمارۆگا” کرد و پاشان له‌لایه‌ن ناوبراوه‌وه‌ وڵام درانه‌وه‌.
له‌ کۆتاییدا “ته‌یموور ئه‌لیاسی” نوێنه‌ری کۆمه‌ڵه‌ی مافی مرۆڤی کوردستانی ئێران ــ ژنێڤ وێڕای سپاس و پێزانین داوای له‌ “کارلۆ سۆمارۆگا” کرد که‌ له‌ هه‌ڵبژاردنه‌کانی داهاتوودا چه‌ند هاووڵاتییه‌کی کورد بخه‌نه‌ نێو لیسته‌که‌یانه‌وه‌.
کۆمه‌ڵه‌ی مافی مرۆڤی کوردستان، پشتیوانی له‌ حیزبی سوسیالیستی سویس ده‌کات و داوا له‌ هاووڵاتییه‌ کورده‌کان ده‌کات که‌ ده‌نگ بده‌ن به‌ لیسته‌کانی حیزبی سوسیالیستی سویس، به‌ تایبه‌ت “کارلۆ سۆمارۆگا”.
رێکه‌وت‌ یه‌کی خه‌زه‌ڵوه‌ری ئه‌مساڵ، له‌ وڵاتی سویس هه‌ڵبژاردنی گشتی بۆ پارله‌مانی سویس به‌ڕێوه‌ ده‌چێ.

(فارسی) کنفرانسی تحت عنوان، مسئله‌ی کردها را چگونه به پارلمان سوئیس ببریم

Sorry, this entry is only available in “%LANG:

© Association pour les Droits Humains au Kurdistan d'Iran-Genève (KMMK-G) - Admin -